"Ашық қоғам" зерттеу институтының есебі бойынша, Қасым-Жомарт Тоқаев саяси науқанда жеңіске жетті. Оған сайлаушылардың 82,45 пайызы дауыс берген. Екінші орында - Жигули Дайрабаев. Оның еншісінде - 3,33 пайыз. Қарақат Әбден болса электораттың 2,54 пайызының дауысын жинап, үшінші орын алды. Қажыкен Мейрам - 2,23 пайыз, Нұрлан Әуесбаев - 2,17 пайыз, ал Салтанат Тұрсынбекова - 2,08% дауысқа ие болды. Сонымен бірге сайлаушылардың 5,12 пайызы бәріне қарсы дауыс берген. Сайлауға электораттың 68,7 пайызы қатысқан. "Amanat партиясы жанындағы қоғамдық саясат институтының" зерттеуі бойынша, Қасым-Жомарт Тоқаев сайлаушылардың 85,52 пайызының дауысын жинаған. Астана кешенді әлеуметтік зерттеулер институты жүргізген сауалнама қорытындысына сенсек Тоқаевты электораттың 82,02 пайызы қолдаған.
