Пенсильванияның ең ірі қаласы саналатын Филадельфиядағы округтік прокуратура миллиардер Илон Маскты, сондай-ақ оның America PAC ұйымын сайлаушыларға күнделікті 1 миллион доллар бөлгені үшін сотқа берді, деп жазады inbusiness.kz сайты прокуратураның баспасөз қызметіне сілтеме жасап.
Прокурорлар 5 қарашада өтетін президент сайлауына дейін күшіне енуі тиіс қаулы шығаруды сұрады.
"Бұл іс айыпталушылардың сайлаушылар дауысын сатып алуға тыйым салатын штаттық немесе федералдық заңдарды бұзғаны туралы мәселені қарастырмайды. Керісінше, бұл іс өте қарапайым, өйткені America PAC пен Масктың заңды бұзғаны айдан анық", – делінген құжатта.
Бұған қоса, прокурорлар America PAC ірі көлемде ақша ұтып алу мүмкіндігіне айырбас ретінде сайлаушылардан өздерінің жеке ақпараттарын бөлісуді сұрайтынын және "алдамшы, түсініксіз немесе жаңылыстыратын" мәлімдемелерді қолданатынын атап өтеді. Атап айтқанда, лотерея ережелерінің толық жиынтығы жоқ және Масктың жеңімпаз кездейсоқ таңдалды деген мәлімдемесі "сенімсіз, өйткені олардың барлығы Дональд Трампты қолдау митингілеріне қатысқан".
Филадельфия округінің прокуратурасын Демократиялық жақтаушы Лоуренс Краснер басқарады.
