Филиппиннің қазіргі президент Родриго Дутертенің қызы Сара Дутерте 2022 жылы болатын сайлауда президенттік пен вице-президенттікке үміткер болудан бас тартты, деп хабарлайды Inbusiness.kz Sunstar сайтына сілтеме жасап.
"Ия, мен жоғары мемлекеттік лауазымға таласпаймын, өйткені әкеміз екеуміз біздің отбасыдан тек бір адам 2022 жылғы сайлауға қатысады деп келістік", – деді Сара Дутерте.
Ол Филиппинің болашағына қатысты көзқарасы әкесінікімен бірдей дегенді айтты. 8 қыркүйекте Родриго Дутерте Филиппин Демократиялық партиясының съезінде келесі сайлауда өзінің кандидатурасын вице-президенттікке ұсынатынын ресми түрде жариялады.
Сара Дутерте – Минданао аралындағы Давао қаласының мэрі. Оған дейін қаланы Родриго Дутерте 22 жыл басқарды.
Табиғат Нұрболат
