Филиппинде Майон жанартауы атқылап, мыңдаған тұрғын қауіпсіз жерге көшірілді, деп хабарлайды inbusiness.kz сайты Manila Bulletin басылымына сілтеме жасап.
Қаңтар айынан бері жанартаудың белсенділігіне байланысты 100 мыңнан астам адам зардап шеккен. Билік өкілдері гуманитарлық көмек көрсетіліп жатқанын мәлімдеді.
Мамандардың айтуынша, жанартауда атқылау жалғасып жатыр: лава ағындары, ыстық газ бен күл бұлттары тіркелген. Бірқатар жанартау дүмпулері мен тас құлау оқиғалары да байқалған.
Қауіпті аймаққа кіруге тыйым салынған. Тұрғындарға сақтық шараларын күшейтіп, жағдай ушықса эвакуацияға дайын болуын ескертті.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
Фото:
Philippine Red Cross photo
