Төтенше жағдай 3 желтоқсанда Марави қаласындағы Минданао мемлекеттік университетінің спорт залында болды. Ол елдегі ең ірі мұсылман орталығы болып табылады. Бұл туралы inbusiness.kz сайты BBC телеарнасына сілтеме жасап хабарлайды.
"Шабуылдың артында Даула Исламия-Мауте тобы болуы мүмкін", - деп хабарлады аймақтағы полиция қолбасшысының бригада генералы Аллан Ноблеза.
Ноблеза жақында көршілес Дату Хоффер Ампатуан қаласында Филиппин армиясымен қақтығыс кезінде 11 радикалдың қаза тапқанын айтып, жексенбі күнгі жарылыс жазалаудың бір түрі болуы мүмкін деген болжам айтты.
AFP ақпарат агенттігінің мәліметтері бойынша, шабуыл үшін жауапкершілікті "Ислам мемлекеті" тобы өз мойнына алды.
Президент кіші Фердинанд Маркос жарылысты айыптап, оны "шетелдік лаңкестер жасаған", "мағынасыз және ең жиіркенішті әрекет" деп атады. Сондай-ақ, ол егжей-тегжейге тоқталмай, жұртшылықты сабырлы болуға шақырды.
"Осы аяусыз әрекетке кінәлілерді жауапқа тартатынымызға сенімді болыңыз", - деді ол.
Бұдан бөлек, шенеуніктердің хабарламасы бойынша, жарылысқа граната немесе қолдан жасалған бомба себеп болуы мүмкін.
