Оған сәйкес Қазақстанға рейстер орындаған кезінде фин тасымалдаушыларына қосымша коммерциялық құқықтар берілді, деп хабарлайды ИДМ азаматтық авиация комитетінің баспасөз қызметі.
Атап айтқанда, финдік тасымалдаушыларға Алматы мен Астанаға 7 рейс орындау және кез-келген типтегі әуе кемесін қолдану құқығы берілді (сыйымдылық шектеуінсіз).
Жаңа келісім екі ел арасындағы сауда-экономикалық ынтымақтастықты, туризм мен іскерлік серіктестікті дамытуға мүмкіндік береді. Сонымен қатар, Астананың транзиттік-көліктік хаб ретінде танылып, кеңеюіне мүмкіндіктер ашады.
Айта кету керек, 2017 жылы қазақстандық тарап "Finn Air" әуе компаниясына Хельсинки-Астана маршруты бойынша жиілігі аптасына (күнделікті) 7 рейс ұшу құқығын берген болатын.
Жазғы кезеңнен "Finn Air" әуе компаниясы Хельсинки-Астана маршруты бойынша Қазақстанға жиілігі аптасына 2 рет тікелей рейс орындай бастады. 2018 жылы 3-шілде мен 23-тамыз аралығында "Finn Air" әуе компаниясы A319 әуе кемесімен Астана – Хельсинки маршруты бойынша аптасына 2 рейс орындады.
