Финляндия мен Швеция НАТО саммитінде альянсқа бақылаушы елдер ретінде қосыла алады. Бұл туралы Helsingin Sanomat басылымы өзінің анонимді ресми дереккөзіне сілтеме жасай отырып хабарлады.
Басылымның мәліметінше, НАТО-ға мүше 30 елдің барлығы Финляндия мен Швецияны қосу туралы келіссөздер жүргізуі тиіс. Бірақ альянста басқа елдерді одаққа қабылдау бойынша келіссөздер жүргізудің белгіленген ережелері және нақты критерийлері жоқ.
Келіссөздерден кейін НАТО-ға мүше елдер Финляндия мен Швецияны Солтүстік Атлантикалық одаққа бақылаушы ретінде енгізу туралы құжатқа қол қояды. Дегенмен альянс шартының 5-ші бабына сәйкес, қауіпсіздік кепілдіктері бақылаушы елдерге берілмейді.
Бұған дейін НАТО-ның Бас хатшысы Йенс Столтенберг Хельсинки мен Стокгольм Солтүстік Атлантикалық одақ 29 маусымда кіреді деп мәлімдеген еді.
Түркия Финляндия мен Швецияның НАТО-ға кіруін қолдауға келісті. Мадридте Түркия Президенті Режеп Тайип Ердоған, Швеция Премьер-Министрі Магдалена Андерсон және Финляндия Президенті Саули Ниинисте кездесу өткізіп, осындай ортақ мәмілеге келді.
Табиғат Нұрболат
