Финляндия Премьер-Министрі Санна Марин мен Швеция премьер-министрі Ульф Кристерссон екі елдің қауіпсіздігі бір-бірімен байланысты деп мәлімдеді және олар бірге бастаған НАТО-ға мүшелікке өтініш беру процесін бірге аяқтағысы келетінін айтты, деп жазады inbusiness.kz.
Финляндия Премьер-Министрі Санна Марин мен Швеция премьер-министрі Ульф Кристерссон екі елдің қауіпсіздігі өзара байланысты деп мәлімдеді.
Санна Марин Құран кітабын жағып жіберу оқиғасы туралы өз ойын білдіріп, заңдық тұрғыда мұндай әрекеттерді қолдамайтынын айтты.
"Қоғамдық орындарда бұл Құран түгілі, орындықты өртеуге болмайды. Біз Құранды немесе Библияны өртеуге жол бермейміз. Біз адамдардың еркіндігін қорғап қана қоймай, олардың сеніміне құрметпен қараймыз. Оған қоса Финляндияда қоғамдық орындарда от жағуға тыйым салу туралы заң бар", - деп түсіндірді Санна Марин.
Швеция өз кезегінде бүгін таңертең министрлер кабинетінің отырысында Үкіметтің терроризмге қарсы заң жобасы рәсімделгенін хабарлады. Заң 1 маусымнан бастап күшіне енеді. Бұл Швецияның терроризмге қарсы ұзақ мерзімді міндеттемесінің негізі.
"Біз бұл әрекеттерден туындаған түсініспеушілікті әділетті екенін түсінеміз. Қазір шведтерге бірінші кезекте айтарым, сабырлық танытайық, ең бастысы - Швецияны НАТО-ның толық мүшесі ретінде қабылдау. Ұлттық қауіпсіздікті нығайтуға назар аударайық", - деді Кристерссон.
Швецияның Әділет министрі Гуннар Струммер Швецияның қылмыстық заңнамасын енгізді, оған сәйкес террористік ұйымдарды қолдау және оларға қатысу қылмыс деп танылады.
Ол белгілі бір террористік актіге қатысы бар адамдар ғана емес, сонымен бірге террористік ұйымдармен кез-келген байланыс жасағандар да қылмыстық жауапкершілікке тартылатынын айтты.
