Финляндия мүмкіндігінше тезірек НАТО-ға кіру үшін өтініш беруі керек. Ел президенті Саули Ниинисте мен премьер-министрі Санна Марин осындай мәлімдеме жасады, деп хабарлайды inbusiness.kz Helsingin Sanomat газетіне сілтеме жасап. Екеуі де елдің НАТО-ға кіруін қолдады.
Сәуір айының соңында жергілікті басылымдар Швеция мен Финляндия НАТО-ға кіру үшін бір уақытта өтініш беруді жоспарлап отырғанын хабарлады. Ресми мәлімет бойынша, Финляндия президенті Саули Ниинисте Стокгольмға сапарлай келген кезінде бұл шешім ресми түрде жариялануы мүмкін (17-18 мамыр). Ниинисте осы уақытқа дейін Финляндия мен Швецияның НАТО-ға кіруге қатысты ұстанымы айқындалатынын мәлім етті.
Бұл елдердің альянсқа кіру туралы шешіміне қатысты РФ Қауіпсіздік Кеңесі төрағасының орынбасары Дмитрий Медведев мәлімдеме жасаған болатын. Оның айтуынша, олар НАТО-ға мүше болып қабылданса, бұл қадам Ресейдің ресми түрде тіркелген қарсыластарының көбейгенін білдіреді.
Табиғат Нұрболат
