Финляндияның экономика және жұмыспен қамту министрлігі Ресей газын импорттауға толық тыйым салу үшін жұмыс тобын тағайындайды. Бұл туралы Финляндияның экономика және жұмыспен қамту министрлігінің энергетика департаментінің бас директоры Рику Хуттунен хабарлады, деп жазады inbusiness.kz сайты.
"Заң жобасы келесі қыста ұсынылуы керек. Сонымен бірге Финляндия Ресей газына қатысты Еуропалық санкцияларды оның әртүрлі нысандарында енгізуді қолдайды", - делінген министрліктің сайтында жарияланған Хуттунен бағанында.
2023 жылдың соңғы тоқсанында газ импортының 65%-ы АҚШ-қа, 23%-ы Норвегияға, ал 7%-ы Ресейге тиесілі болғанын атап өту керек.
Сондай-ақ, әзірге ресейлік газ импортына қатысты тікелей санкциялар енгізілмеген. Алайда, ЕО-да талқыланған 14-ші санкциялар пакеті мұндай үзілді-кесілді шараларға "жол ашады". Құбыр газының импорты азайғанымен, ресейлік сұйытылған табиғи газдың импорты ұлғайды. Бірінші кезекте санкциялар СТГ-ға бағытталуы мүмкін. Еуропалық Одақ 2022 жылдың мамырында бастаған REPowerEU бағдарламасы 2027 жылға қарай ресейлік газға тәуелділікті тоқтатуға бағытталған, делінген хабарламада.
