Финляндияның оңтүстік-шығысындағы бақылау-өткізу пункттері Ресейден велосипедпен кіруге тыйым салды. Бұл туралы inbusiness.kz сайты Ресейдің Сноб журналына сілтеме жасап хабарлайды.
Оңтүстік-Шығыс Финляндия шекара қызметінің подполковнигі Юкку Луккаридің айтуынша, соңғы аптада шекарашылар талапқа сай емес құжаттармен келген 30-ға жуық жағдайды тіркеді. Сарапшылар босқындар мұны баспана алу үшін әдейі жасайды деп санайды.
Ресми деректерге сәйкес, шара 9 қарашада енгізілді. Ол тек Финляндияның оңтүстік-шығыс ауданында жұмыс істейтіні белгілі.
Алайда, бұл шешімнің басқа өткізу пункттеріне қатыстылығы әлі нақтыланбаған.
Айта кету керек, Ресей Федерациясы мен Финляндия шекарасында барлығы тоғыз бақылау-өткізу пункттері бар.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
