Флорида шығанағының жағалауында соққан "Иэн" дауылының екіні жойқын болғаны сонша, соңы нөсер жаңбырға ұласып, теңіз деңгейі көтерілді. Бұл АҚШ-та соңғы жылдары тіркелген ең күшті дауылдардың бірі.
"Иэн" Форт-Майерс қаласының батысындағы Кайо-Коста тосқауыл аралында Шығыс жағалау уақыты бойынша сағат 15:05-те құрлыққа шығып, сағатына 241 шақырым жылдамдыққа жететін желмен 4-ші санаттағы дауылға айналды", – деп хабарлады Ұлттық дауыл орталығы.
Желдің бұл жылдамдығы Саффир-Симпсон шкаласы бойынша дауылдың 5-ші санатына жетпеген – дауылдың ең ауыр санаты, желдің максималды жылдамдығы сағатына кемінде 252 шақырым.
Теңіз деңгейінің көтерілуінен қазір жағалауларды су басқан. Кей жерлерде толқындардың биіктігі 3,7 метрге жеткен. Синоптиктер сондай-ақ найзағай мен торнадо болуы мүмкін екенін ескертті, ал орталық Флориданың кейбір бөліктерінде 0,6 м жауын-шашын күтілуде.
Жергілікті коммуналдық қызметтердің хабарлауынша, "Иэн" дауылы әсерінен 1,1 млн тұрғын үй мен кәсіпорында электр қуатын өшірілген.
