FlyArystan әуе компаниясы Air Astana бөлініп шықты. Бұл туралы баспасөз мәслихатында "Самұрық-Қазына" АҚ активтерді жекешелендіру және қайта құрылымдау департаментінің директоры Дастан Әдіқожаев мәлім етті, Inbusiness.kz сайты.
"Бұған дейін FlyArystan Air Astana әуе компаниясының құрылымдық бөлімшесі болған. Ал қазір FlyArystan 100% еншілес компания. Ол қазірдің өзінде дербес заңды тұлға, бөлініп шықты деп айта аламыз", - деді Дастан Әдіқожаев
Air Astana әуе компаниясының басшысы Питер Фостер FlyArystan 100 пайыз еншілес кәсіпорны екенін және болашақта корпоративтік құрылымды өзгерту жоспары жоқ екенін жеткізді, деп жазды kazinform.
"Жақында FlyArystan өзінің сертификатын алатынын атап өткім келеді. Бұл нормативтік талаптарды сақтауға және ұшу қауіпсіздігі үшін қажет. Яғни, акционерлердің корпоративтік құрылымын өзгертуге қатысы жоқ", - деді Питер Фостер.
Айта кетейік, FlyArystan – алғашқы қазақстандық лоукостер әуе компаниясы және Air Astana ұлттық тасымалдаушысының құрылымдық бөлімшесі болды.
