/img/tv.svg
RU KZ
DOW J 29 354,08 РТС 1 637,75 Hang Seng 29 002,59 FTSE 100 7 674,56 KASE 2 375,60 Алтын 1 557,30
Ауа райы:
-8Нур-Султан
-10Алматы
DOW J 29 354,08 РТС 1 637,75
Hang Seng 29 002,59 FTSE 100 7 674,56
KASE 2 375,60 Алтын 1 557,30
FlyArystan Қарағанды әуежайында база ашады

FlyArystan Қарағанды әуежайында база ашады

Базаны 2020 жылдың І жартысында ашу жоспарланған.

16 Тамыз 2019 16:17 742

FlyArystan Қарағанды әуежайында база ашады

FlyArystan отандық лоукостері Қарағанды әуежайында база ашады. Ол компанияның еліміздегі екінші базасы болмақ. Біріншісі Алматыда жұмыс істейді, деп хабарлайды әкімнің баспасөз қызметі.

Әуе компаниясының ұшақтары Қарағандыда, «Сарыарқа» әуежайында орналасады. Бұл дегеніміз, облыс орталығынан әр түрлі бағыттар бойынша, соның ішінде халықаралық бағыттар бойынша 12 рейс іске қосылады дегенді білдіреді. Әуе кемесіне қызмет көрсету және жанармай құю да Қарағанды әуежайының базасында жүзеге асырылады. 

«Біз базаны 2020 жылдың бірінші жартысында ашуды жоспарлап отырмыз. Бастапқыда онда әрқайсысы эконом-класты 180 орынға арналған екі борт орналасады. Маршруттар әлі анықталған жоқ. Бағыттарды қарағандылықтардың тілектерін ескере отырып, таңдағымыз келеді. Ұсыныстарды зерттеу үшін Instagram-да арнайы аккаунт ашамыз», ­–  деді Air Astana АҚ қаржы жөніндегі басқарушы директоры. 

Оның айтуынша, базаның ашылуы Қарағандыда 120 жаңа жұмыс орнын құруға мүмкіндік береді. Әуекомпания бортсеріктерді, ұшқыштарды, инженерлер мен жердегі қызмет көрсету қызметкерлерін қабылдайды. 

Қазір Қарағанды әуежайында ангарлар жөнделеді және лоукостер базасын орналастыруға дайындық бойынша басқа да техникалық жұмыстар жүргізілуде. 

Естеріңізге сала кетейік, Қарағандыдан FlyArystan әуекомпаниясының алғашқы рейсі осы жылдың екінші мамырында жүзеге асырылды. Қазір әуе рейстері Қарағандыдан Алматыға және кері бағытта күнделікті қатынауда. Билеттің ең төменгі бағасы – 5 999 теңге. Бұл сомаға ұшу және қол жүгін тасымалдау кіреді. Қосымша ақы үшін жолаушыларға борттық тамақ, багаж тасымалдау және басқа да қызметтер ұсынылады.

inbusiness.kz-ті қараңыз, оқыңыз :

Бүгін FlyArystan Қарағандыға алғашқы рейсін жүзеге асырды

FlyArystan ұшақтары Алматыдан Қарағандыға күн сайын ұшатын болады. 

02 Мамыр 2019 17:57 269

Бүгін FlyArystan Қарағандыға алғашқы рейсін жүзеге асырды

Өңір әкімі әуежайға дейін баратын автобус маршрутын ашу жоспарда барын айтты.

Лоукостер-компания билетінің ең төменгі бағасы – 6000 теңге. Бұл сомаға ұшу мен 5 килограмм қол жүгін тасымалдау кіреді. Қажет болған жағдайда багажға қосымша төленеді. Борттағы азық-түлік пен сусындар да бөлек бағаға сатып алынады.

Әзірге FlyArystan иелігінде Airbus A320 маркалы екі ұшақ бар.

Қазір лоукостер басшылығы болашақ базалардың бірін Қарағанды әуежайында орналастыру мүмкіндігін қарастыруда.

Елордаға FlyArystan әуе компаниясының алғашқы рейсі ұшып келді

Қазақстандағы алғашқы лоукостер – FlyArystan әуе компаниясы ең бірінші рейсін орындады.

01 Мамыр 2019 11:57 584

Елордаға FlyArystan әуе компаниясының алғашқы рейсі ұшып келді

Бүгін компания ұшағы Алматыдан Нұр-Сұлтанға ұшып келді, деп хабарлайды азаматтық авиация комитетінің баспасөз қызметі.

«Қазақстанның ішкі бағыттарымен қатар, халықаралық бағыттарда да жолаушылар тасымалының айтарлықтай өсуін күтіп отырмыз. Өйткені, уақыт өте келе, біз басқа елдерге де ұшуды жоспарлап отырмыз. Оған дейін бүкіл Қазақстан бойынша қолжетімді рейстерді ұсынуға дайынбыз және  FlyArystan аймақтық экономиканың дамуына елеулі үлес қосатынына сенеміз»,– деді «Эйр Астана» авиакомпаниясының президенті Питер Фостер бюджеттік авиакомпанияны іске қосу рәсімінде.

Еске сала кетсек, өткен жылы 2 қарашада мемлекет басшысы инвестициялар және даму министрі Жеңіс Қасымбекті, «Самұрық-Қазына» акционерлік қоғамы директорлар кеңесінің мүшесі Ричард Эвансты және «Эйр Астана» әуе компаниясының президенті Питер Фостерді қабылдаған болатын. Кездесу соңында мемлекет басшысы «Эйр Астана» базасында бюджеттік әуе компаниясын құруды тапсырды.

Осылайша құрылған FlyArystan 2019 жылдың 29 ​​наурызынан бастап коммерциялық рейстерге билеттер сатылымын бастады.  

Жаңалықтарға жазылу: