Flyarystan әуе компаниясы Шымкент - Павлодар - Шымкент бағыты бойынша рейстерді уақытша тоқтататынын хабарлады, деп жазады Pavlodarnews.kz.
"COVID-19 салдарынан елдегі күрделі эпидемиологиялық жағдайға және саяхатты жоспарлаудағы белгісіздікке, сұраныстың төмен болуына байланысты Шымкент-Павлодар-Шымкент бағыты бойынша 2020 жылғы 1 тамыздан бастап 26 тамызға дейін қоса алғанда рейстерді орындауды уақытша тоқтату туралы шешім қабылданды. Рейстер 2020 жылғы 29 тамыздан бастап орындалатын болады. Әрбір жолаушыға жеке СМС, сондай-ақ поштаға электронды хат түрінде толық ақпарат жіберілді. СМС жетпеген жолаушыларға қызметкерлер дербес қоңырау шалады", – деп түсіндірді әуе компаниясының баспасөз қызметі.
Жоғарыда көрсетілген күндерге билет сатып алғандарға 2020 жылдың 24 қазанына дейін рейстерге тегін броньдауды ұсынады.
