КС7375 Flyarystan әуе компаниясының Астана-Ақтау рейсін орындаған ұшағы шұғыл түрде Атырау қаласына қонды, деп хабарлайды inbusiness.kz.
"29 мамыр күні сағат 00:45-те КС7375 Астана-Ақтау рейсін орындаған ұшақ ауа райының қолайсыздығына байланысты Атырау қаласына қонуға мәжбүр болды. Атап айтқанда, жедел қонуға қалың тұман себеп болған. Рейс Атырау қаласының жергілікті уақыты бойынша 29 мамыр сағат 10:00-де қайта ұшады. Біз кідірістердің алдын алу және рейстерді тоқтатуға себеп болатын жағдайларды жою үшін барлық шараларды қабылдаймыз. Дегенмен бұл жағдайда рейстің кешігуі авиакомпанияның кінәсінен болып отырған жоқ", - делінген компанияның баспасөз қызметі таратқан хабарламада.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
