Air Astana баспасөз қызметінің хабарлауынша, Airbus A320 ұшағына құс соғылғаны себепті Ақтөбе-Атырау және Атырау-Ақтау-Атырау рейстері кешіктірілді, деп жазады inbusiness.kz.
"Бүгін FlyArystan әуе компаниясының Анталия-Ақтөбе КСХ 7820 рейсі кезінде, қонуға таяу қалғанда Airbus A320 ұшағы шассиінің жармасына құс түсті", – делінген таратылған ақпаратта.
Авиакомпанияның мәліметінше, жақын арадағы рейспен Алматыдан әуе кемесіне инспекция жүргізу үшін инженер жіберілген.
"Оқиғаға байланысты КС7292 Ақтөбе-Атырау рейсі 3 сағат 50 минутқа, KC7275/7276 Атырау-Ақтау-Атырау рейсі 15 сағатқа кешіктірілді", – делінген хабарламада.
Компания жыл басынан бері осындай 99 жағдай тіркелгенін хабарлады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
