Франция Ресей Федерациясының газына тәуелді емес. Ел Президенті Эммануэль Макрон осындай мәлімдеме жасады, деп хабарлайды inbusiness.kz.
"Еуропа Ресей газына тәуелді. Бірақ Франция оған мұқтаж емес", – деді ол.
Макронның айтуынша, қазір ресми Париж басқа елдерден газ сатып алу мүмкіндігін қарастыруда.
Франция Президенті жақын арада АҚШ Президенті Джо Байденмен және еуропалық серіктестермен Ресей Федерациясына қарсы жаңа санкциялар салу жағын талқылайтынын жариялады.
8 сәуірде Эммануэль Макрон Ресей Президенті Владимир Путинмен келіссөздерді жалғастыруды өзінің міндеті деп атаған болатын. Сонымен қатар ол бейбіт келісімге қол жеткізілген кезде Украинаның қауіпсіздігінің кепілі болуға дайын екенін мәлімдеді.
Табиғат Нұрболат
Фото: epa.com
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
