Бұл туралы inbusiness.kz Интерфаксқа сілтеме жасай отырып хабарлайды.
Шараның шымылдығы Француз режиссері Майвенннің "Фаворитка" тарихи драмасымен ашылады. Басты рөлдерді Джонни Депп, Майвенн, Луи Гаррель, Пьер Ричард және Ноеми Львовски сомдады. Фильмнің сюжеті француз королі Людовик XV-нің сүйікті Жанна Дюбарримен қарым-қатынасына негізделген.
Биылғы жылы негізгі байқаудың қазылар алқасының төрағасы - швед режиссері Рубен Эстлунд. Ол "Шаршы" мен "Қайғы үшбұрышы" фильмдері үшін "Алтын пальма бұтағын" екі рет жеңіп алды.
76-шы Канн кинофестивалінің негізгі байқауына 21 кинотуынды ұсынылды, Ресей тізімде жоқ.
Каннның "Алтын пальма бұтағына" басты үміткер - режиссер Уэс Андерсонның "Астероидтар қаласы" атты жаңа туындысы. Жаңа фильм 1955 жылы ойдан шығарылған америкалық қалашықтағы жұлдызды бақылаушылар сьездінде түсірілген, фильмде басты рөлдерді Тильда Свинтон, Адриен Броди, Том Хэнкс, Марго Робби мен басқалар сомдаған.
Сондай-ақ, негізгі байқауда америкалық режиссер Тодд Хейнстің "Мамыр, желтоқсан", Австралиялық режиссер Джессика Хауснердің "Зеро клубы", британиялық режиссер Джонатан Глейзердің "Қызығушылық аймағы", финдік режиссер Аки Каурисмякидің "Өлі жапырақтар", Тунис кинорежиссері Каутер Бен Ханяның "Әкесінің төрт қызы", жапондық режиссер Хироказу Корээданың "Құбыжық" кинокартиналары бар.
Сонымен қатар, биылғы жылы Каннның негізгі байқауына италиялық режиссер Нанни Мореттидің "Болашақтың нұры" фильмі, италиялық режиссер Марко Беллоккьоның "Рапито" фильмі, түрік режиссері Нури Билге Джейланның "Құрғақ шөп туралы" жұмысы, бразилиялық режиссер Карим Айнуздың "Бастамашысы", британиялық режиссер Кен Лоучтың "Ескі емен" фильмі, неміс режиссері Вим Вендерстің "Тамаша күндер" және қытайлық режиссер Ван Биннің "Жастық шақ", сондай-ақ АҚШ режиссері Жан-Стефан Совердің "Қара шыбындар" және италиялық режиссер Аличе Рорвахердің "Химера" фильмдері.
Конкурстық бағдарламада Француз режиссерлерінің төрт картинасы бар - Жюстин Триенің "Құлау траекториясы", француз режиссері мен жазушысы Катрин Брейяның "Өткен жаз", вьетнамдық француз режиссері Чан Ань Хунгтың "Доден Буффанның рагуы" және Кэтрин Корсинияның "Оралу".
Канн кинофестивалі 16-27 мамыр аралығында өтеді.
