Жексенбіге қараған түні оның үйіне шабуыл жасалды, деп жазады inbusiness.kz Euronews-ке сілтеме жасап.
Наразылық білдірушілер үйдің қақпасын сындырып, көлікті өртеп жіберген, дәл сол күйінде оны шенеуніктің әйелі мен екі жас бала тұрған үйге бағыттаған. Өрттен қашу барысында анасы мен баласы жарақат алған.
Бұл оқиға француз басшылығының наразылығын тудырды, оқиға орнына премьер-министр Элизабет Борн келді, ол жазаның қатал болатынын ескертті. Көптеген француз саясаткерлері де сөзден аянып қалмады.
Өткен түнде барлығы 700-ден астам тәртіпсіздікке қатысушылар ұсталды. Бұл алдыңғы күнмен салыстырғанда айтарлықтай аз және Франция ІІМ басшысы Жеральд Дарманен зорлық-зомбылық толқыны құқық қорғау органдарының шешуші әрекеттерінің арқасында басылғанын айтты. Бүкіл ел бойынша 45 мыңнан астам полиция мен жандармерия қызметкерлері жұмылдырылды.
