Бұл оқиға тұрғындардың ашуына тиді. Адамдар көліктерді өртеп, полициямен қақтығысты, деп хабарлайды inbusiness.kz тілшісі Reuters-ке сілтеме жасап.
Әуелде Нантер қаласында басталған наразылық Париж, Ренне мен Тулузада жалғасын тапты.
Еске салайық, халықтың жаппай бас көтеруіне жасөспірімнің өлімі себеп. Тәртіпке бағынбағаны үшін рөлде отырған 17 жастағы жігітке полиция оқ атқан. Бұл жағдай елді дүрліктірді. Халық тәртіп сақшыларының қатыгездігіне наразы.
Ашуға ерік бергендер жолдарды жауып, мүліктерді өртеп, полицияға қарсылық көрсетті.
Тәртіп сақшылары 9 адамды тұтқындады, қақтығыс кезінде тағы бір адам ауыр жарақат алды. Оған да полиция оқ атқан. Ал, Францияның Ішкі істер министрі тергеу басталғанын хабарлады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
