Бұл туралы дүйсенбіде BFM телеарнасы "Жалпы Еңбек конфедерациясы" кәсіподағы (CGT) жанындағы Elengy энергетикалық компаниясы қызметкерлерінің бірлестігіне сілтеме жасап хабарлады, деп жазады inbusiness.kz.
Екі терминал республиканың оңтүстік-шығысындағы Фос-сюр-Мер коммунасында (Буш-Дю-Рон департаменті), үшіншісі елдің батысындағы Сен-Назер қаласында (Атлантикалық Луара департаменті) орналасқан.
Хабарламада газ GRTgaz француз газ операторының тарату желісіне берілмейтіні, СТГ танкерлерін түсіру мен тасымалдау цистерналарын толтыру жүргізілмейтіні атап өтілді.
СТГ-ның төртінші терминалы Францияның солтүстігіндегі Дюнкерк коммунасында орналасқан. Оның жұмысы тоқтатылатыны туралы хабарланған жоқ.
Бұған дейін CGT басшысы Филипп Мартинес Le Journal du dimanche апталығына берген сұхбатында 7 наурызда "Франция көтеріледі” деп уәде беріп, билік ұсынған зейнетақы реформасы жобасымен келіспейтіндігін білдірді. Оның айтуынша, "миллиондаған адамның қатысуымен" өтетін 260-тан астам наразылық акцияларына дайындық жүргізілді. Сонымен бірге, BFM елдің ІІМ сарапшыларының ішкі болжамдарына сілтеме жасай отырып, көшегі 1,1-ден 1,4 миллион адамға дейін шығуы мүмкін екенін хабарлады.
