Бұдан бөлек бейсенбіден бастап олар рейстің ұшуына 48 сағаттан аз уақыт қалғанда ПТР немесе антиген талдауын ұсынуы керек. Мұндай шаралар 31 қаңтарға дейін енгізілді.
"Келу кезіндегі бұл бақылау азаматтардың ел аумағына кіруіне жол бермеу үшін жасалған бақылау емес, бұл әртүрлі нұсқаларды дәл бақылауға мүмкіндік беретін ғылыми тәсіл. Бүгінгі таңда бұл негізінен Қытайда кең таралған омикрон штамы үшін жасалған болатын", - деп атап өтті Францияның денсаулық сақтау министрі Франсуа Брон.
Франция бұл шараларды Ұлыбритания, Италия немесе АҚШ сияқты Қытайда коронавирустық инфекция жағдайларының өршуіне байланысты қабылдады. Қытай желтоқсан айының басында шектеу шараларын алып тастаған болатын.
Апта сайын Қытайдан және Гонконгтан Францияға рейстер келеді. Олардың басым бөлігі Париждегі Руасси Шарль Де Голль әуежайына қонады. Туристерді ең әуелі 2Е терминалында тексеру орталығының агенттері анықтайды. Егер тест оң нәтиже берсе, олар 7 күн бойы оқшаулануы тиіс.
