/img/tv1.svg
RU KZ
Hang Seng 23 372,43 KASE 2 155,58
РТС 955,34 FTSE 100 5 510,33
DOW J 21 641,19 Өнеркәсібі 1 552,50
FrankofonıNaýryzy 2020 Шымкентте басталады

FrankofonıNaýryzy 2020 Шымкентте басталады

Француз тілінде Абай оқулары өтеді.  

26 Ақпан 2020 19:38 117

FrankofonıNaýryzy 2020 Шымкентте басталады

Халықаралық Франкофония Ұйымының 50 жылдық мерейтойы мен #FrankofonıNaýryzy 2020 мәдени іс-шаралар маусымы басталады.

Қазақ елінде наурыз айының аяғында көктем мерекесі Наурыз мейрамы тойланатыны белгілі. Ал осы уақытта дүние жүзінде француз тілі мерекесін тойлау дәстүрге айналған. Халықаралық Франкофония Ұйымы бүкіл әлемдегі француз тілін меңгерген адамдарды біріктіретін күн ретінде 20 наурызды таңдаған.

Осы дәстүр бойынша француз тілді мемлекеттердің елшіліктері бірлесе отырып, қазақстандықтарға түрлі өнер салаларын қамтитын фестивальдік бағдарлама ұсынады. 2020 жылғы Франкофония мерекесі 1 наурыз күні Шымкент қаласында басталады. Шара барысында Француз тілінде Абай оқуларын өткізу де жоспарлануда.

Францияның Қазақстандағы төтенше және өкілетті елшісі Филипп Мартинэ франкофония ұғымына тоқталып өтті.

«Франкофония – барлық континенттерді, ұлттар мен ұлыстардың басын қосады әрі гуманизмге жетелейді. Мысалы, әйелдер құқын қорғайтын франкофон әйелдер клубының құрылғанына екі жыл болды. Франкофония – әлемнің 5 құрлығында 88 ел мен 300 000 000 адамды біріктіретін геомәдени кеңістік», – деді Франция елшісі.

Филипп Мартинэ  Франция елімізге ең ірі инвестиция салған мемлекеттің бірі екенін еске сала кетті. Оның айтуынша, Франция Қазақстанға 12 млрд еуродан астам инвестиция құйған.

Нұржан Көшкін

inbusiness.kz-ті қараңыз, оқыңыз :

Нотр-Дам де Париді қалпына келтіруге халықаралық байқау жарияланды

Франция Президенті Эммануэль Макрон жаһан жұртының көмегімен шіркеуді алдағы бес жылда қалпына келтіруді көздеп отыр.  

18 Сәуір 2019 08:57 293

Нотр-Дам де Париді қалпына келтіруге халықаралық байқау жарияланды

Нотр-Дам де Пари шіркеуінің шатырұшын қалпына келтіру мақсатында Франция халықаралық архитектуралық байқау жариялайды. Бұл туралы Францияның премьер-министрі Эдуар Филлип арнайы шақырылған министрлер кеңес қорытындысында мәлімдеді, деп хабарлайды 24.kz.

Шіркеудің шатырұшы 19 ғасырда, сәулетші Эжен Виолле-ле-Дюктің жобасы бойынша бой көтерген еді. Оның алдындағы шатырұшы 18 ғасырдың соңында, Француз революциясы кезінде алмастырылды.

Естеріңізге салсақ, жексенбі күні шыққан алапат өрттің салдарынан Нотр-Дам де Пари шіркеуіне зақым келген. Шатырұшы опырылып, киелі жәдігердің 70 проценті жойылған. 
 

Қасым-Жомарт Тоқаев Франция халқына көңіл білдірді

XIII ғасырда салынған Құдай ана шіркеуі 1991 жылы ЮНЕСКО-ның мәдени мұралар тізіміне енген болатын. 

16 Сәуір 2019 16:47 368

Қасым-Жомарт Тоқаев Франция халқына көңіл білдірді

Мемлекет басшысы Қасым-Жомарт Тоқаев Франциядағы әйгілі тарихи ғимараттың өртенгеніне байланысты Франция еліне шынайы көңілін білдірді.

«Француз бен әлем мәдениетінің бірегей ескерткіші – Париждегі Құдай Ана шіркеуінде болған алапат өртке қатысты Францияның Президенті мен халқына шынайы көңіл білдіремін», – деп жазды Қазақстан Президентті Тwitter желісінде.

Айта кетсек, Париждегі әйгілі Нотр-Дам шіркеуі кеше өртке оранды.  Әзірге апаттың шығыны нақтыланған жоқ. Дегенмен ЮНЕСКО оны қайта қалпына келтіруге көмектесетінін мәлімдеді.

Жаңалықтарға жазылу: