/img/tv1.svg
RU KZ
Hang Seng 23 182,08 KASE 2 209,51
FTSE 100 5 415,50 РТС 1 049,88
DOW J 21 056,82 Бидай 551,40
Фрилансерлерге сұраныс артады

Фрилансерлерге сұраныс артады

41,6 трлн теңгені құрайтын инвестициялық жобаның пулы құрылды.  

29 Қазан 2019 21:31 287

Фрилансерлерге сұраныс артады

Ұлттық экономика министрі Руслан Дәленовтың мәлімдеуінше, алдағы алты жылда еңбек нарығында 1,3 млн адамға сұраныс болады. Ал цифрландыру және ақпараттық-коммуникациялық технологиялар трендке айналады.

«Технологиялардың дамуы жұмыс орындарын қысқартады. Жұмыстың күрделенуі біліктілігі жоғары мамандарға сұранысты арттырады. Заман талабы бойынша адамдарға әмбебап дағдыларды дамытуға тура келеді», – деді министр.

Ол қашықтықтан жұмыс істеу белең алатынын, фрилансерлердің көбейетінін  және краудворкингтің дамитынын айтты.

«Халықаралық сарапшылардың зерттеуінше, 2020 жылдан бастап фрилансерлер әлемдегі барлық жұмыс күшінің едәуір бөлігіне ие болады», – деді министр.

Оның айтуынша, бүгінгі таңда 41,6 трлн теңгені құрайтын инвестициялық жобаның пулы құрылған. Осы пулдың кадрлық сұранысы 2025 жылға дейін 1,3 млн адамды құрайды.

«Жұмыс орындарының ең көп саны туризм, көлік, ауылшаруашылығы, сауда салаларында болады деген болжам бар», – деді Руслан Дәленов.

Қанат Махамбет

inbusiness.kz-ті қараңыз, оқыңыз :

Алматы облысында 27 мың жаңа жұмыс орны ашылады

Оған мемлекеттен 110 млрд теңге бөлінген. 

27 Наурыз 2020 21:46 420

Алматы облысында 27 мың жаңа жұмыс орны ашылады

Елдегі төтенше жағдайға байланысты Алматы облысында 27 мың жұмыс орны ашылмақ. Бұл «Жол картасы» аясында іске асырылмақ. Ол  1240 жаңа жоба іске қосу көзделіп отыр. Оған мемлекеттен 110 млрд теңге бөлінген.

Жергілікті билік  өкілдерінің айтуынша, өңірдегі мектептер пен аурухананы, сондай-ақ жолдарды жөндеуге қосымша күш тартылады. Мәселен, аймақта 88 мектеп пен мектепке дейінгі мекемелер жөндеуді қажет етсе, 351 білім ордасының әжетханасын мектеп ішіне орналастыру қажет. Бұдан басқа тұрғын үйлердің ауласы мен көшедегі жолдарға, атап айтсақ, 600 нысан жөндеуді қажет етеді. Сондай-ақ өңірде көгалдандырумен айналысатын маман тапшы.

Осы мақсатта 9000-ға жуық жұмыс орнын ашылады.

СҚО-да сүт-тауарлы ферма іске қосылды

Жоба құны – 2,5 млрд теңге. 

30 Қазан 2019 11:13 513

СҚО-да сүт-тауарлы ферма іске қосылды

СҚО-дағы «Маметов и К» коммандиттік серіктестігі сүт-тауарлы ферманы іске қосты, деп хабарлайды Интерфакс-Қазақстан.

Цифрлық фермада заманауи құрал-жабдықтармен қамтылған. 35 жұмыс орны құрылды.
Ал жоба құны – 2,5 млрд теңге. Ферманың 700 ірі қараны ұстауға мүмкіндігі бар.

Жыл соңына дейін СҚО-да 4 осындай заманауи сүт кешені іске қосылады деп жоспарланып отыр. Ал келер жылы 10 сүт фермасының құрылысы жүргізілмек.

Жаңалықтарға жазылу: