Футбол: Қазақстан өз алаңында Беларусьті жеңді

777

Футболдан Қазақстан құрамасы UEFA Ұлттар лигасының В лигасына жолдама алды, деп хабарлайды inbusiness.kz.

Футбол: Қазақстан өз алаңында Беларусьті жеңді

Бүгін Қазақстан өз алаңында Беларусь құрамасын қабылдады. Екі құрама бұған дейін бір-бірімен алты ойын өткізген болатын. 

Оның екеуі тең нәтижемен аяқталса, қалғанында Беларусь құрамасы жеңіске жеткен.

Айта кетсек, бүгін қазақстандық футболшылар алдағы маусымдағы Ұлттар Лигасының В дивизионында Еуропаның алдыңғы қатарлы құрамаларымен сынға түсуге мүмкіндік алды.

Кездесудің 29-минутында қазақстандық Михаил Габышев есеп ашты, ал 45-минутта Беларусь құрамасының ойыншысы Павел Савицкий таразы басын теңестірді.

Екінші кезеңнің 79-минутында қазақстандық Бактиёр Зайнутдинов гол соқты.

Осылайша Қазақстан қарсыласын 2:1 есебімен жеңді. 

Нәтижесінде, Қазақстан құрамасы алдағы маусымда В лигасында ойнауға мүмкіндік алды. 

Енді Қазақстан құрамасы 25 қыркүйекте сырт алаңда Әзербайжанмен кездеседі.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу