Антикор спорт федерациялары мен кәсіби клубтардың негізсіз қаржылық шығындарын есептеді, деп жазады inbusiness.kz сайты.
Соңғы 6 жылда тек 18 футбол клубын қаржыландыруға 200 млрд теңгеден астам қаржы бөлінген.
Мұндай шығындарға қарамастан, Қазақстан FIFA әлемдік рейтингінде төмен позициядан көтерілмей тұр.
Ең қымбат клуб — "Самұрық-Қазына" АҚ – дан демеушілік көмек алған "Астана" ФК – 50,1 млрд теңге, одан кейін "Барыс" хоккей клубы – 48,9 млрд теңге.
"Сонымен қатар, көп бөлігі еңбекақы төлеу қорына, біржолғы төлемдерге, трансферге, агенттік келісімдеріне жұмсалған. Бұл қаражатты игеру жоғары жемқорлық тәуекелдерін тудырады", — делінген Антикор хабарламасында.
Өз инфрақұрылымының болмауына байланысты клубтар жыл сайын алаңдар мен мұз айдындарын жалға алуға миллиондаған қаражат жұмсайды.
