G7 елдерінің СІМ басшылары Солтүстік Кореяны зымыран сынақтарын тоқтатып, БҰҰ Қауіпсіздік Кеңесінің қарарлары шеңберіндегі міндеттемелерді орындауға шақырды, деп хабарлайды inbusiness.kz Германия СІМ жариялаған мәлімдемеге сілтеме жасап.
"Бізді бұрын-соңды болмаған баллистикалық зымыран сынақтары алаңдатып отыр. G7 Сыртқы істер министрлері мен ЕО-ның Сыртқы істер және қауіпсіздік саясаты жөніндегі Жоғарғы өкілі КХДР-ды жаппай қырып-жою қаруы мен баллистикалық зымырандарды жасау бағдарламаларынан бас тартып, Қауіпсіздік Кеңесінің қарарлары шеңберіндегі барлық міндеттемелерді толықтай орындауға шақырамыз", – деп жазылған ресми мәлімдемеде.
Оңтүстік Корея билігінің мәліметінше, 25 мамырда Солтүстік Корея үш баллистикалық зымыран ұшырды. Әскерилердің дерегі бойынша, олардың бірі – құрлықаралық, ал қалған екеуі – қысқа қашықтықтағы баллистикалық зымырандар.
Табиғат Нұрболат
