Қазақстандық маманның қол астында Қазақстан студенттер құрамасы АҚШ-та өтетін Универсиадаға қатысады.
Ғалым Мәмбетәлиев 1965 жылы дүниеге келген. 1980-2002 жылдар аралығында Қазақстан, Ресей командаларында ойнады.
2002 жылдан бері елімізде бапкерлік қызметпен айналысады.
Еліміздің студенттер құрамасы 12 және 22 қаңтар аралығында АҚШ-тың Лейк-Плэсид қаласында өтетін Қысқы Универсиадаға қатысады.
Қазақстандық хоккейшілер Оңтүстік Корея, Венгрия, Ұлыбритания, Словакия және АҚШ-пен сынға түседі.
Өзге топта Жапония, Украина, Швеция, Латвия, Чехия құрамалары бар.
Әрбір топтан үздік шыққан екі құрама плей-офф сатысына жолдама алады.
Қысқы Универсиадаға әлемнің 50 келінен 1400-ден астам спортшы келеді деп күтілуде. Онда 12 спорт түрінен жүлделер сарапқа салынады.
