/img/tv1.svg
RU KZ
DOW J 25 771,89 РТС 1 386,20
FTSE 100 6 796,40 KASE 2 302,72
Hang Seng 26 043,35 Brent 50,36
Ғалымбек Кенжебаев: Лицензиялық турнир басталғанша дайындықты күшейтеміз

Ғалымбек Кенжебаев: Лицензиялық турнир басталғанша дайындықты күшейтеміз

Бокстан Қазақстан ұлттық құрамасы Нұр-Сұлтан қаласындағы оқу-жаттығу жиындарына кірісті.  

24 Қаңтар 2020 21:55 146

Ғалымбек Кенжебаев: Лицензиялық турнир басталғанша дайындықты күшейтеміз

Спортшылар наурыз айында өтетін Азия аймақтық Олимпиадаға іріктеу турниріне дайындық үстінде, деп хабарлайды Olympic.kz.

Естеріңізде болса, Халықаралық Олимпиада комитеті мен жергілікті ұйымдастыршылар 3 ақпан күні Қытайдың Ухань қаласында басталуы тиіс турнирді қауіпті вирусқа байланысты кейінге шегерген болатын. Бокстан команда бас бапкері Ғалымбек Кенжебаев Olympic.kz сайтына сұхбат беріп, лицензиялық турнирдің кейінге қалуына қатысты пікірімен бөлісті. 

«Токио Олимпиадасына жолдама тарататын екі турнир бар. Соның бірі - Азия аймақтық іріктеу бәсекесі 3 ақпанда басталуы керек еді. Алайда, Қытайдағы қауіпті коронавирусқа байланысты кейінге қалды. Әрине, адамдардың денсаулығы бірінші орында. Сол себепті, турнирдің орнын ауыстырғаны өте дұрыс шешім. Бізде дайындық үшін әлі бір ай уақыт бар. Жолдамаға талас наурызда өтеді. Ал оған дейін біз тағы бір жаттығу жиынын өткізіп, дайындықты үдете түсеміз. Сегіз салмақ дәрежесінің барлығында лицензияға иелік етуді жоспарлап отырмыз. Дегенмен, Азия боксының қарқыны жоғары екенін ұмытпауымыз қажет. Мысалы, 52 келіде әлем чемпионатында жүлде алған спортшылардың үшеуі – азиялықтар. Сондықтан, әрбір қарсыластың біз үшін қаупі үлкен екенін ұмытпау қажет.  Біздің боксшылар тас-түйін дайын. Бокстағы көп жайт жеребеге де байланысты. Екі мықты қарсылас бірінші айналымда жолығып қалса, қиын болары сөзсіз. Команда құрамын жасақтап қойдық. Кейін, мамыр айында Парижде өтетін әлемдік іріктеу турниріне де қатысатын боксшылар бар.  Жалпы командада айтарлықтай өзгеріс жоқ. Биыл жастар командасынан екі спортшыны алдырттық. Олар - Махмұд Сабырхан (52 келі) мен Сағындық Тоғамбай (91 келі). Құрамаға 2001 жылы туған жастарды қабылдап жатырмыз. Лицензиялық турнир басталғанша дайындықты үзбейміз», – деді бас бапкер. 


 

inbusiness.kz-ті қараңыз, оқыңыз :

Әйелдер боксынан лицензиялық турнирге қатысатын спортшылар анықталды

28 ақпан күні Иорданияда Азия/Океания аймақтық Олимпиадасы өтеді.

19 Ақпан 2020 15:03 93

 Әйелдер боксынан лицензиялық турнирге қатысатын спортшылар анықталды

Фото: olympic.kz

Әйелдер боксынан Қазақстан командасының бас бапкері Ерік Алғабек 28 ақпан күні Иорданияда өтетін Азия/Океания аймақтық Олимпиадаға іріктеу турниріне қатысатын боксшылар тізімін атады, деп хабарлайды Olympic.kz. 

51 келі салмақта Ангелина Лукас жолдамаға таласады. Бас бапкер Ерік Алғабектің айтуынша, ол өзі қатысқан соңғы халықаралық турнирлердің бәрінен алтын алды. Яғни, сыртта өтетін жарыстарға психологиялық түрде дайын екенін көрсетті. 

«57 келіде Дәметкен Келімбетке сенім артамыз. Бұл салмақта ең соңғы күнге дейін іріктеу өтіп, таңдау Дәметкенге түсті. Ол Голландияда өткен турнирде өзін жақсы жағынан көрсеткен еді»,– дейді бас бапкер. 

60 келі салмақта Римма Волосенко өнер көрсетеді. Ол әлем чемпионатында қола жүлдегер атанған болатын.

«69 келіде Валентина Хальзова ел намысын қорғайды. Ол әлем чемпионы әрі Азия чемпионатының күміс жүлдегері. Хальзова декреттік демалыстан ұлттық құрамаға жақында оралды. Мұндай тәжірибелі спортшының қатарға қосылғаны қуантады. Ол бабында. Нидерландта өткен халықаралық сында Олимпиада ойындарының жүлдегеріне қарсы жақсы кездесу өткізді. 75 келіде Надежда Рябец бақ сынайды. Надя жастар командасынан ересектер қатарына енді өтті. Жасөспірімдер Олимпиадасының қол ажүлдегері. Енді Токио Олимпиадасына қатысу үшін барын салады»,– дейді Ерік Алғабек.

Бас бапкер спортшылардың бәрінің лицензия алуға мүмкіндіктері жетеді деп отыр.

«Бұдан бөлек, Парижде өтетін әлемдік іріктеу сынына да дайындаламыз. Францияда екінші және үшінші құрам боксшыларын сынап көрмекпіз. Өйткені, бәсекелестік жоғары. Тіпті, мұндай бәсекелестік ерлер құрамасында да жоқ шығар. Команда қазір бабында», – дейді бас бапкер Ерік Алғабек. 

Бокстан лицензиялық турнирге қатысатын құрам жасақталды

Бокстан Иорданияда өтетін лицензиялық турнирге қатысатын боксшылар тізімі анықталды.  

18 Ақпан 2020 18:33 92

Бокстан лицензиялық турнирге қатысатын құрам жасақталды

Бас бапкер Ғалымбек Кенжебаев Токио Олимпиадасының жолдамасына таласатын спортшылар есімін атады деп хабарлайды Olympic.kz. 

28 ақпан күні бокстан Қазақстан командасы Азия/Океания аймақтық іріктеу турниріне аттанады. 

52 келіде әлем чемпионатының қола жүлдегері Сәкен Бибосынов сынға түседі. 

57 келіде бірнеше халықаралық турнирлердің жеңімпазы Серік Теміржанов бақ сынайды. 

63 келіде Азия чемпионатының күміс жүлдегері Зәкір Сафиуллинге сенім артылған. 

69 келіде әлем чемпионатының екі дүркін қола жүлдегері Абылайхан Жүсіпов жұдырықтасады. 

75 келіде әлем чемпионатының және Азия ойындарының күміс жүлдегері Әбілхан Аманқұл шаршы алаңға шығады. 

81 келіде 2019 жылғы әлем чемпионы Бекзад Нұрдәулетов ел намысын қорғайды. 

91 келіде Рио Олимпиадасының күміс жүлдегері Василий Левит күш сынасады. 

Аса ауыр салмақта команда капитаны, әлем чемпионатының екі мәрте күміс жүлдегері Қамшыбек Қоңқабаев жолдамаға таласады.

«2020 жылғы Токио Олимпиадасының жолдамасына таласатын жігіттердің барлығы өз салмағында мықты саналады. Барлығы да тәжірибелі боксшылар. Әрқайсысы өзін жақсы жағынан көрсете алады», – деді бас бапкер Ғалымбек Кенжебаев. 
 

Жаңалықтарға жазылу: