Ғалымдар Ақмола облысында егілген бидай сұрыптарының өнімділігін бағалады

Ғалымдар Ақмола облысында егілген бидай сұрыптарының өнімділігін бағалады

Ғалымдар А.И.Бараев атындағы АШҒӨО-ның селекциясы болып табылатын жаздық бидай сұрпын алқаптарына еккен Ақмола облысының бірқатар шаруашылығына барып қайтты.

09 Қазан 2019 09:34 709

Ғалымдар Ақмола облысында егілген бидай сұрыптарының өнімділігін бағалады

АШҒӨО ғалымдары Ақмола облысының шаруашылықтарында егілген Орталық селекциялаған бидай сұрыптарының өнімділігін бағалады.

А.И.Бараев атындағы АШҒӨО ғалымдары, атап айтқанда  ауыл шаруашылығы дақылдарының селекциясы бөлімінің меңгерушісі А.Т.Бабкенов және ауыспалы егістер тобының жетекшісі А.А.Қияс А.И.Бараев атындағы АШҒӨО-ның селекциясы болып табылатын жаздық бидай сұрпын алқаптарына еккен Ақмола облысының бірқатар шаруашылығына барып қайтты.

«Достық-06» ЖШС-да менеджер О.Сараев пен А.Т.Бабкенов «Шортандылық 2012» жаздық жұмсақ бидай сұрпын егу актісін толтырып, қол қойды. Бұл сұрып аталмыш шаруашылықта гектарынан 13 центнер өнім беріп, дәнмаңызы 25%-ды құрады. А.Т.Бабкенов және А.А:Қияс «Достық-06» ЖШС-дағы шыққан астықтың шығынын бағалады. Жиын-терім жұмыстары жүргізілген кезеңде екпіні 20 м/секундқа дейін жеткен қатты дауыл кезінде  астықтың төгілгені байқалды. Осы фактордың себебінен ықтимал шығындар 10-20%-ды құрауы мүмкін.

«Фермер 2002» ЖШС (директоры В.А.Пельцер) «Шортандылық 95 жақсартылған» жаздық жұмсақ бидай сұрпын сепкен болатын. Осы шаруашылықта бұл сұрып пардағы алқапта гектарынан 17,0 центнер өнім беріп, дәнмаңызы 26%-ды құрады, құлау саны 200 секундтан артық, яғни тауар жіктемесіне сәйкес астық 3 кластың талабына сәйкес келеді.

Облыстық ауыл шаруашылығы басқармасының мәліметтері бойынша, «Шортандылық 95 жақсартылған» сұрпы Ақмола облысының аумағында 2019 724 500 га алқапқа себілген.

inbusiness.kz-ті қараңыз, оқыңыз :

Жас ғалымдар жерді дәл өңдеу полигонына барды

Қазақстанның астық шаруашылығы ғылымға дендеп барады. 

18 Қыркүйек 2019 17:53 492

Жас ғалымдар жерді дәл өңдеу полигонына барды

Бүгін А.И.Бараев атындағы астық шаруашылығының ғылыми-өндірістік орталығында «Солтүстік Қазақстанда жерді дәл өңдеудің перспективалары мен проблемалары» атты жерді дәл өңдеу жөнінде семинар болып өтті.

Семинарға С.Сейфуллин атындағы ҚазАТУ, Ш.Уәлиханов атындағы КМУ қызметкерлері, магистранттары мен докторанттары қатысты.

АШҒӨО бас директорының орынбасары Б.Ирмулатов жас ғалымдарға  ҚР АШМ БМҚ шеңберінде жерді дәл өңдеу бойынша ҒЗЖ мақсат-міндеттері, сондай-ақ олардың нәтижелері туралы айтып берді.

Ауылшаруашылығы ғылымдарының докторы, Ресей ғылым академиясының корреспондент-мүшесі В.Якушев (Агрофизикалық ғылыми-зерттеу институты, Санкт-Петербург қ.) агротехникалық көрсеткіштер бойынша алқаптардың карта-сұлбаларын жасаудың теориялық және практикалық аспектілерімен таныстырды. Ал «Агроинженерия ҒӨО» ЖШС-ның Қостанай филиалының механикаландырылған технологиялары зертханасының меңгерушісі С.И.Бобков практикалық тәжірибемен бөлісіп, «Тиімді кешендік машиналардың негіздемелері және олардың элементтерін Ақмола облысы шаруашылықтары үшін бейімдей отырып, жерді дәл өңдеу жүйесінде дақылдарды өсіруді кешенді механикаландыруға арналған қондырғылар» тақырыбына баяндама жасады.

Семинардың теориялық бөлімінен кейін қатысушылар жерді дәл өңдеу полигонына барып, онда ауыл шаруашылығы техникаларының жұмысымен және өнімділік карталарын пайдаланудың тәжірибесімен танысты.

Жаңалықтарға жазылу: