Ғалымдар Австралия билігін азаматтардың 80%-ын мүмкіндігінше тезірек вакцинациялауға үндеді, деп хабарлайды Inbusiness.kz ABC арнасына сілтеме жасап.
Мельбурн университетіндегі талдау орталығы зерттеушілердің айтуынша, егер бұл жоспар іске асса, Аустралия індетті еңсере алады. Олар вакцинацияланғандардың коронавирусты жұқтыруы мүмкін екенін, бірақ ауыр жағдайлардың сирек болатынын мәлім етті.
Зерттеушілер осы орайда ынталандыру шараларын қолдануды ұсынды. Олар федералды үкімет тұрғындарды екпе салдыруға көндіру үшін 80 миллион доллар ойнатуы керек деген пікірде.
Бұған дейін Сиднейде "дельта" штамының өршуіне байланысты төтенше жағдай жарияланған еді. Жергілікті биліктің айтуынша, тіпті бір айлық оқшаулау вирустың таралуын тежей алмаған.
Табиғат Нұрболат
