ҚР мәдениет және спорт министрінің бұйрығымен Ғалымжан Сәрсенбайұлы Мелдешов ҚР Мәдениет және спорт министрлігінің Тіл саясаты комитетінің төрағасы қызметінен босатылды, деп хабарлайды ҚР Премьер-Министрінің баспасөз қызметі.
С. М. Киров атындағы Қазақ мемлекеттік университетін тәмамдаған.
Әр жылдары бұқаралық ақпарат құралдарында жұмыс істеген: "Түркістан" халықаралық газетінде, "Қазақстан" РТРК" АҚ, "Маңғыстау Медиа" ЖШС-де басшылық қызметтерді атқарған. 2016–2018 жылдары Тілдерді дамыту және қоғамдық-саяси жұмыс комитеті төрағасының орынбасары лауазымын атқарған.
2018 жылғы тамыз айынан бастап 2019 жылғы мамырға дейін ҚР МСМ Тіл саясаты комитеті төрағасының орынбасары болып жұмыс істеген.
2019 жылғы мамыр айынан бастап қазіргі уақытқа дейін ҚР МСМ Тіл саясаты комитетінің төрағасы қызметін атқарды.
