Хернинг қаласында (Дания) гандболдан әйелдер арасындағы әлем чемпионатының финалдық кездесуі өтті, деп хабарлайды Inbusiness.kz сайты Prosports.kz порталына сілтеме жасап.
Финалда Норвегия мен Франция құрамасы кездесті. Бұл ойында 31:28 есебімен Франция жеңіске жетті.
Осылайша, Франция құрамасы тарихта үшінші рет әлем чемпионы атанды (бұған дейін олар 2003 және 2017 жылдары әлем чемпионы атанған).
2023 жылғы әлем чемпионатының қола жүлдесін Дания құрамасы жеңіп алды, үшінші орын үшін өткен кездесуде олар Швеция құрамасын 28:27 есебімен ұтты.
Бұл сынға Қазақстан құрамасы да қатысқан, олар алты ойынның бірінде ғана жеңіске жетіп, турнирді 30-орынмен аяқтады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
