Ғани Нығыметов - Сенат аппараты басшысының орынбасары

499

Бүгін Ғани Нығыметов Сенат аппараты басшысының орынбасары болып тағайындалды.  

Ғани Нығыметов - Сенат аппараты басшысының орынбасары Фото: gov.kz

Бұл туралы inbusiness.kz Сенаттың баспасөз қызметіне сілтеме жасап хабарлайды.

Ғани Нығыметов 1983 жылы Ақтөбе облысында дүниеге келген. Л.Гумилев атындағы Еуразия ұлттық университетін халықаралық қатынастар, АҚШ-тағы Монтерей халықаралық зерттеулер институтын мемлекеттік басқару магистрі, сондай-ақ Назарбаев Университетінің Жоғары бизнес мектебін іскерлік әкімшілік магистрі мамандықтары бойынша бітірген. Гарвард университетінің Кеннеди атындағы Басқару мектебінде, Сингапурдың Ұлттық университетінде басшылар үшін біліктілікті арттыру курсынан өтті.

Еңбек жолын Нью-Йорк қаласындағы БҰҰ Даму Бағдарламасының штаб-пәтерінде стажер болып бастаған.

2007-2009 жылдары – "ҚР Үкіметі мен Ұлттық банкі жанындағы Ұлттық талдау орталығы" АҚ мемлекеттік басқару департаментінің жоба менеджері.

2009-2013 жылдары - Назарбаев Университетінің Халықаралық ынтымақтастық департаментінің директоры, Назарбаев Университетінің Энергетикалық зерттеулер орталығы бас директорының орынбасары, Nazarbayev University Research and Innovation System бизнесті дамыту жөніндегі бас директоры.

2013-2016 жылдары - ҚР Білім және ғылым министрлігінің "Халықаралық бағдарламалар орталығы" АҚ президенті.

2016-2018 жылдар аралығында "Стратегиялық бастамалар орталығы" ЖШС, "Еуразиялық интеграция институты" ЖШС директор болды.

2019 жылғы шілдеде ҚР Президенті Әкімшілігінің Ішкі саясат бөлімінің меңгерушісі қызметіне тағайындалды. Ал 2020 жылғы мамырдан 2022 жылдың тамызына дейін СҚО әкімінің орынбасары болды.

"Болашақ" президенттік стипендиясының түлегі.

Бұдан бұрын хабарланғандай, бүгін Максим Споткай Сенат аппаратының басшысы болып тағайындалды.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу