Үлкен шаңырақтағы ауызбіршіліктің ұйытқысына айналған Балапан әже әлі де қолына ұршығын алып, жіп иіреді. Ол денсаулығының бүгінгі мығым қалпын жастық шағында еткен қара еңбекпен байланыстырады.
"Кезінде бәрін де істедік. Отын да тасыдық, жүн де түттік. Жастығымыз соғыспен тұспа тұс келіп, әскерге керектінің бәрін өзіміз жолдап отырдық. Тұрмысқа 17 жасымда шықтым. 10 құрсақ көтердім. Бүгінгі күніме мың шүкір. Бала-шағамның ортасында шалқып өмір сүрудемін. Құдай елімізді осы бейбіт күннен айырмасын. Жаман аурудан аман болыңдар. Менің жасымды берсін!", – дейді Балапан Байнешова.
Бұл отбасында қазақы дәстүр жақсы сақталған. Оның өзіне ұрпақтар сабақтастығы, Балапан әже бастаған ене мектебі себеп болса керек.
Алмас Қылыш
