Газа денсаулық сақтау министрлігінің мәліметінше, Израилдің атқылауынан Газада кемі 2 808 палестиналық қаза тапқан, тағы 10 589 адам жарақат алған.
Сондай-ақ Газаның үкімет кеңсесі соңғы 24 сағатта 254 палестиналық қаза болғанын мәлімдеді. Опат болғандардың 64%-ға жуығы әйелдер мен балалар.
Газаның солтүстігінен оңтүстігіндегі Хан-Юнис қаласына мыңдаған адам бас сауғалауда. Олар алдарынан кездескен көлікпен, тіптен жылқыға отырып барынша израилдік зымырандардан аулақ кетуге тырысуда.
Арып-ашып Хан-Юнис қаласына жеткенде қала мұндай көп адамды қабылдауға дайын болмай шықты. Қаланың халқы бір түнде екі есе артқан.
Қаланың әр бұрышы қаңғыған бала-шаға, әйелдер мен ерлерге толы.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
