Газа секторындағы денсаулық сақтау жүйесін қалпына келтіруге кететін шығын кем дегенде 7 млрд долларды құрайды, деп хабарлайды inbusiness.kz сайты ТАСС-қа сілтеме жасап.
— Газаның денсаулық сақтау жүйесін қалпына келтірудің жалпы құны кем дегенде 7 миллиард долларды құрайды, — деді Тедрос Гебрейесус Женевада өткен брифингте.
Дүниежүзілік денсаулық сақтау ұйымы бұған дейін 41 науқас пен олардың жанындағы көмекші 145 адамды бірнеше елге эвакуациялауға көмектескен.
— 15 000 науқас, оның ішінде 4 000 бала Газадан тыс жерде емделуге мұқтаж, — деп атап өтті ұйым басшысы.
Ол сондай-ақ эвакуацияны күтіп жатқан 700-ден астам адамның қаза тапқанын хабарлады.
БҰҰ, Еуропалық Одақ және Дүниежүзілік банктің бағалауынша, Газаны толық қалпына келтіруге шамамен 70 миллиард доллар қажет. Алайда бұл қаражатқа сектордың барлық аймағы қалпына келтірілмейді.
