GE Healthcare және Қазақстан Республикасының денсаулық сақтау министрлігі Қазақстанның денсаулық сақтау саласын дамыту мен жаңғырту саласындағы ынтымақтастық мақсатында стартегиялық әріптестік туралы меморандумға қол қойды.
Меморандум GE Healthcare цифрлық технологияларды қолданумен денсаулық саласындағы бірыңғай ақпараттық жүйені әзірлеуге қатысты жобалар бойынша бірлескен қызметтің негізгі бағыттарын белгілейді. Құжатқа сәйкес, тараптар әлеуметтік маңызды ауруларды алдын ала анықтау мен тиімді емдеу, диагностиканың дәлдігін арттыруға бағытталған телерадиология, телеонкорадиология және сүт бездері обыры бойынша скрининг жөніндегі телемедициналық сараптау орталықтарын, сондай-ақ республикалық клиникалық мұрағатын ашу бойынша мүмкіндіктерге талдау жүргізуге уағдаласты.
Сондай-ақ келісім ҚР денсаулық сақтау министрлігінің "Қазақ онкология және радиология ғылыми-зерттеу институты" ШЖҚ РМК базасында телемедициналық орталық ұйымдастыру үшін GE Healthcare цифрлық шешімдерді қолдану арқылы пилоттық жобаны іске асыруды болжайды. Бұл облыстық онкодиспансерлердің дәрігерлеріне онкологиядағы күрделі жағдайлардың диагностикасы кезінде мамандардың қашықтан қосымша кеңес алуларына мүмкіндік береді.
Сонымен қатар, GE Healthcare өңірлік вендор-бейтарап мұрағаттарды қалыптастыру мен электронды құжат айналымын ұйымдастыру бойынша ақпараттық және консультациялық қолдау көрсетеді деп жоспарлануда.
Құжат ҚР денсаулық сақтау вице-министрі Олжас Әбішевпен және Орталық Еуропа, Шығыс Еуропа, Ресей және ТМД-ғы GE Healthcare Digital Вице-президенті Дитмар Сейфридсбергермен қол қойылған болатын.
Меморандумға қол қоюды түсіндіре отырып, Орталық Еуропа, Шығыс Еуропа, Ресей және ТМД-ғы GE Healthcare Digital Вице-президенті Дитмар Сейфридсбергер "Біз денсаулық сақтау саласында Қазақстан Республикасымен аса тығыз ынтымақтастықта болу мүмкіндігіміздің бар болғанына қуаныштымыз, және GE Healthcare технологиялары цифрлық медицинаны дамыту бойынша өңірдің ағымдағы және стратегиялық міндеттерін шешуге, сондай-ақ жалпы мыңдаған пациенттер үшін сапалы медициналық көмекке қолжетімділікті арттыруға мүмкіндік беретініне сенімдіміз", - деп атап өтті.
