Сыбайлас жемқорлыққа қарсы қызмет пара алу фактісі бойынша Қорғаныс министрлігі Кадр департаментінің бұрынғы бастығы генерал-майор Қ.Р. Көпбаевқа қатысты қылмыстық істі аяқтағанын хабарлады.
Көпбаевтың 2019 жылдың мамыр айында Ақтөбе қаласы "Т.Бигелдинов атындағы Әуе қорғанысы күштерінің Әскери институты" РММ-ге офицерлік лауазымға тағайындағаны үшін 200 мың теңге сомасында пара алғаны анықталған.
"Ақмола гарнизоны Әскери сотының үкімімен Көпбаев мемлекеттік қызметте лауазым атқару құқығынан өмір бойына айыра отырып, 5 жылға бас бостандығынан айырылды. Сонымен бірге, сот Қазақстан Республикасы Президентінің атына Көпбаевты генерал-майор әскери атағынан және "Құрмет" орденінен айыру туралы ұсыныс енгізеді",– деп жазылған ведомство таратқан хабарламада.
