Геннадий Головкин DAZN телеарнасымен келісімшартқа қол қойды

819

Геннадий Головкин келесі жекпе-жегін 8-і немесе 16 маусым күні өткізуі қажет. Әзірге қарсыласы белгісіз. 

Геннадий Головкин DAZN телеарнасымен келісімшартқа қол қойды

Қазақстандық боксшы Геннадий Головкин DAZN телеарнасымен келісім жасасты, деп хабарлайды Prosports.kz сайты.

Бүгін белгілі болғандай Геннадий Головкин бейсенбі күні таңертең DAZN командасымен алты кездесуге келісімшартқа қол қойған. Әр жекпе-жекте ол сегіз сандық соманы табады, ол жылына екі рет жекпе-жек өткізеді деп күтілуде.

Геннадий Головкин келесі жекпе-жегін 8-ші не 16-шы маусым күні өткізуі қажет. Әзірге қарсыласы белгісіз.

Бастапқыда қазақстандық боксшы WBO чемпиондық белбеуінің иегері Деметриус Андрадемен кездесуі мүмкін екені хабарланған еді. Алайда америкалық боксшы 24 маусым күні жекпе-жек өткізетін болды. Ал Геннадий Головкиннің екінші айқасы қыркүйек айында мексикалық Сауль Альвареске қарсы өтуі қажет.

Естеріңізге сала кетейік, Головкиннің соңғы телесеріктесі HBO болды, бірақ келісім-шарт аяқталды, содан кейін каналдың басшылығы бокстан мүлдем кетуге шешім қабылдады.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу