Жуырда DAZN стриминг қызметімен келісімшартқа отырған қазақстандық Геннадий Головкин өзінің GGG Promotions компаниясын дамыту туралы айтып берді, деп хабарлайды vesti.kz.
Үш жылдық келісімшарт бойынша қазақстандық алты жекпе-жек өткізеді. Оның үстіне 2020 және 2021 жылдары Головкин GGG Promotions боксшылары үшін DAZN-де төрт бокс кешін ұйымдастыра алады.
Головкин жас боксшыларды тәрбиелеуге қатысты сұраққа жауап берді.
"Жауапкершілік бар, өйткені мен DAZN-ге промоутерлік компаниямды әкеліп отырмын және өз жігіттеріме бокс әлемінде дамуға көмектескім келеді... Бокстың дәл қазіргі жағдайына қатысты тәжірибе мол. Мен өткен мен болашақ туралы айтқым келмейді. Қазір не бар – бізде бар ақпаратпен бөлісіп, кеңес береміз. Білімге құштар жігіттерді күтемін, үйретуге қуанышты боламын. Жарамды ұсынысы бар жігіттерді қарастырамыз, тек, күлкілілері керек емес. Шынымен жұдырықтасуға ынтасы барлар келсін", – дейді спортшы.
