Аралас жекпе-жектен Астанада өткен "Fight Nights 65" жарысының басты жекпе-жегінде отандасымыз Жалғас Жұмағұлов ресейлік спортшы Вартан Асатряннан жеңілді, деп хабарлайды kaz.vesti.kz.
Спортшылар арасындағы 5 раундқа жоспарланған жекпе-жекте 49-48, 48-49, 49-47 есебімен Вартан Асатрян жеңімпаз атанып, жеңіл салмақта "Fight Nights Global " чемпионы болды.
Айта кетейік, Жұмағұлов карьерасында Асатряннан екінші мәрте жеңіліп отыр. 2015 жылдың қаңтарында қазақстандық Alash Pride промоушенінде ресейлік қазақстандықты екінші раундта техникалық нокаутпен жеңген еді.
Fight Nights 65 аясындағы жартылай орта салмақтағы белбеуге талас жекпе-жегінде қазақстандық Георгий Кичигин қазылар алқасының шешімімен ресейлік Гаджимурад Хирамагомедовты жеңіп, Fight Nights Global чемпионы атанды.
