Жапонияның Номи қаласында спорттық жүрістен Азия чемпионаты аяқталып, 20 шақырымдық жарыста қазақстандық Георгий Шейко күміс медаль иеленді деп хабарлайды Olympic.kz.
Шейко аталған қашықтықты 1 сағат 20 минут 21 секундта жүріп өтті. Біздің спортшы жапондық Тошиказа Яманишиге ғана есе жіберді. Жарыс жеңімпазының уақыт көрсеткіші – 1:17:15. Үшінші орында – кореялық спортшы Чо.
Айта кетелік, Георгий Шейко 2020 жылғы Олимпиада ойындарына қатысуға мүмкіндік беретін нормативті орындады. Жолдамаға ілігу үшін 20 шақырымды 1:21:00 уақыт көрсеткішінде жүріп өтуге тиіс.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
