Германия шекарасында пандемияға байланысты енгізілген бақылау 15 маусымда тоқтатылуы мүмкін. Елдің Ішкі істер министрі Хорст Зеехофер осылай деді.
"Кейбір шектеу шаралары қысқартылды. Бірақ халық ережеге бағынып, яғни маска тағып және басқалармен арадағы қашықтықты сақтаса, 15 маусымда қозғалыс қалпына келеді",– деді Зеехофер.
Еске сала кетсек, 11 наурызда Дүниежүзілік денсаулық сақтау ұйымы жаңа коронавирус індетін пандемия деп таныған болатын. Ұйымның соңғы мәліметіне сүйенсек, әлемде вирус жұқтырғандардың саны 4 миллионнан асып, оның 283 мыңы қаза тапқан.
Табиғат Нұрболат
Фото: france24.com
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
