Бұл туралы Батыс елдерінің Сыртқы істер министрлері БҰҰ-дағы кездесуде мәлімдеді, деп жазады inbusiness.kz сайты New York Times-қа сілтеме жасап.
Тәліптер "Ауғанстандағы адам құқықтарын өрескел әрі жүйелі түрде бұзып, теріс қылықтарды, атап айтқанда әйелдер мен қыздарды гендерлік кемсітуді" жүзеге асырады және БҰҰ-ның әйелдер құқықтары туралы шартын бұзады" деді дипломаттар.
Олар Ауғанстан мен "Талибанға" халықаралық құқықты сақтау және әйелдер мен қыздардың құқықтарының барлық шектеулерін, соның ішінде олардың білім алу құқығын алып тастау туралы бірнеше рет өтініш білдіргенін еске салды, бірақ жағдай одан әрі нашарлай түсті.
БҰҰ-ның әйелдер құқығы туралы келісіміне 1979 жылы қол қойылды, оны әлемнің көптеген елдері, соның ішінде 2003 жылы қосылған Ауғанстан қолдады.
БҰҰ Халықаралық соты – Дүниежүзілік ұйымның бас сот органы, кеңсесі Гаагада орналасқан. Судьялардың шешімдері заңды түрде міндетті және шағым түсіруге келмейді, дегенмен NY газеті соттың өз шешімдерін орындауға мүмкіндіктері аз екенін және тәліптер оны елемеуі мүмкін екенін атап өтті.
