Германия Ресейден энергия ресурстарының импортына тәуелді болуды толығымен тоқтатты, деп мәлімдеді британдық BBC медиа компаниясына берген сұхбатында ГФР Қаржы министрі Кристиан Линднер, деп жазады Inbusiness.kz.
Оның айтуынша, Германия өзінің энергетикалық инфрақұрылымын толығымен әртараптандырды және Ресейдің Украинаға басып кіруінен кейін жаңа энергия көздерін тапты.
"Иә, әрине, Германия әлі де энергия ресурстарының импорттауға мәжбүр. Бірақ бүгінде шикізат Ресейден емес, әлемдік нарықтардан импортталады", - деп атап өтті Линднер.
Энергетикалық инфрақұрылымды әртараптандыру шеңберінде ГФР билігі көмір электр станцияларының жұмысын қайта бастады, елде қалған үш атом электр станциясын жабу жоспарларын кейінге қалдырды. Ресейден басқа елдерден газ импортын ұлғайтты және Норвегиядан, АҚШ пен басқа елдерден келетін отын түрлері үшін қосымша қоймалар құрды. Давостағы Дүниежүзілік экономикалық форумда (ДЭФ) сөйлеген сөзінде Линднер СТГ қабылдау үшін рекордтық мерзімде терминалдың салынғанын ерекше атап өтті.
"Бұл Германия саясатындағы үлкен өзгерістердің жарқын мысалы", - деді министр.
