Германияның Экономика министрі әрі вице-канцлері Роберт Хабек "Солтүстік ағын-2" жобасы толығымен тоқтатылуы мүмкін екенін жариялады, деп хабарлайды inbusiness.kz. Ведомство басшысының айтуынша, Берлин осы мәселе бойынша еуропалық және америкалық серіктестермен кеңеседі.
Сонымен қатар ол Германия болашақта Ресей газынан бас тартуы мүмкін екенін, бірақ бұған әлі ерте екенін жариялады.
Еске сала кетсек, 22 ақпанда Германияның Экономика министрлігі канцлер Олаф Шольцтың бұйрығымен "Солтүстік ағын-2" газ құбырын сертификаттауды тоқтатты. Мұндай шешімді қабылдауға Ресей Президенті Владимир Путиннің Донецк және Луганск халық республикаларының егемендігін мойындау себеп болды.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
