Қадағалау органына "Rubber Technical Items" неміс инвесторы жүгінді. Ол автомобильдер мен ауылшаруашылық техникаларына арналған қосалқы бөлшектер шығару жобасын жүзеге асырып отыр. Оны іске асыру кезінде инвестор фискалдық орган тарапынан проблемаға тап болған. Бұл туралы inbusiness.kz сайты Ақмола облысының прокуратурасына сілтеме жасап хабарлайды.
"Салық органы кедендік тексеру нәтижелері бойынша, 25 млн теңге кедендік баж, ҚҚС және өсімпұл есептегені анықталды. Қосымша есептеу үшін тауарлардың шығу тегі туралы сертификаттарда кейбір деректердің болмауы негіз болған", – делінген Ақмола облыстық прокуратурасының хабарламасында.
Өз кезегінде, инвестор қажетті деректер жетіспейтін тауардың шығу тегі туралы сертификаттардың нұсқаларын ұсынған болатын. Осыған қарамастан, салық органы оларды ескермеген.
Прокурорлық қадағалау актісі бойынша, кедендік тексеру қорытындылары бойынша негізсіз қосымша есептелген сома жойылды.
Айта кетейік, қазіргі уақытта инвестициялық жобаны сүйемелдеу жалғасуда және облыс прокуратурасы басшылығының бақылауында.
