Танымал журналист және ESPN телеарнасының комментаторы Дэн Рафаэль Туиттерде Геннадий Головкиннің промоутері Том Леффлермен серіктестікті тоқтатқанын мәлімдеді, деп хабарлайды Sports.kz-ке сілтемемен ҚазАқпарат.
Қолданушылардың бірі Рафаэльден GGG-дің неліктен жыл соңына дейін телесеріктес таппағанын сұрады.
"Ол мұны істемегені анық. Леффлер жыл соңына дейін телесеріктес таңдаймын деген еді, енді Головкин онымен бірге жұмыс істемейді", – деп жауап берді шолушы.
Еске салайық, 2018 жылдың соңында Los Angeles Times журналисі Лэнс Пагмайр да Геннадийдің Леффлердің қызметінен бас тартуы мүмкін екенін хабарлаған еді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
